Ayun na, oras na lang ang binibilang at muli na naman nating sasalubungin ang Pasko pero sa panahong ito na may pandemya. Bagama't hindi ganun karami ang nakahain, ang mahalaga ay sama-sama. Yan din ang naidulot ng pandemyang ito, yung magsama-sama lang sa tahanan upang hindi mahawa ng virus. Syempre sa mga lalabas, `wag kalimutan ang safety protocols upang safe na makabalik din ng tahanan. So papano, Merry Christmas sa inyong lahat ngayong 2020. Bagong taon naman kasunod sa isang linggo...
Sampung araw na lang at sasapit na ang Pasko...Ayos ba tayo dyan? Magsisimula na ang tradisyunal na Simbang Gabi at Misa de Gallo. Yung Simbang Gabi mamya parang sa 6:00pm pa lang magsisimula na tapos yung Misa de Gallo naman sa madaling araw parang nasa 5:30am. Pero depende rin siguro sa pagsisimbahan. Kung dati meron sa TV ng misa, ngayon may online stream na rin para sa mga nasa tahanan lamang. Iba talaga nagawa ng pandemyang ito. Next year sana wala nang pandemya. Kahit unti-unti ang pagbalik sa dati ng lahat. Walang muna sanang mapaminsalang kalamidad gaya ng bagyo at lindol na guguho sa mga pangarap ng bawat isa. Para happy ang lahat sa 2021. Pakinggan natin yung madalas pang-background na instrumental ng mga awiting pamasko. Meron ding non-stop version nito na narinig ko dati.
Ayun na...Sumapit na ang ika-13 araw ng Disyembre at syempre, labindalawang araw na lang nga ang hinihintay. Ilang araw na lang magsisimula na ang Simbang Gabi at Misa de Gallo. Merong mga ilang pagbabago nga lang, limitado ang bilang ng mga makakapagsimba at pati sa oras ng misa. Kapag sumapit na ang ika-15, lalong bibilis ang takbo ng araw. Sana nga magwakas na ang pandemyang ito para sa susunod na taon ay hindi na ganito.
Ito na nga...pumasok na ang buwan ng Disyembre at isang linggo na ang nakalipas. Sa susunod na linggo magsisimula na ang nakasanayang Simbang Gabi o Misa de Gallo. Pag nagsimula na yun, lalong bibilis ang takbo ng araw tungo sa Kapaskuhan. Yun nga lang, iba ang pagdiriwang sa taong ito. Siguro kung may pagtitipon, yung kayu-kayo lang dahil nga bawal pa kase meron pang pandemya. Ultimo karoling at Christmas party, bawal. Yung iba n'yan online na lang lalo yung Simbang gabi o kaya yung pinapalabas sa TV. Bagamat medyo maluwag na, kailangan pa rin mag-ingat para ligtas hanggang sumapit ang 2021. Kaya goodluck sa atin, sa pag-celebrate ng Kapaskuhan sa taong ito. Sana next year hindi na ganito. Bumalik na yung dating sigla sa paligid na nagpapasaya ng damdamin.
